[首頁] [智「惜」用電計劃] [港燈綠色旅程] [智「惜」知識] [綠得開心學校] [綠色生活頻道] [綠色大挑戰] [最新消息] [圖像版本]
香港嘅堆填區面臨飽和危機，而瑞典就竟然要「買」垃圾！原來瑞典人嘅生活垃圾入面，36%得到循環利用，14%再生成化肥，另外49%就被焚燒發電。面對漫長嘅冬天，需要好多垃圾供電取暖，所以佢哋咪要進口垃圾囉！我哋都要多啲循環利用廢物，減輕堆填區嘅負擔呀！
* 資料及圖片源自互聯網
全球暖化嚴重，冰川溶化得好犀利，海平面亦升高咗唔少，低窪地區喺下一個世紀就會被淹沒啦！點算？唔怕！比利時發明家計劃用聚酯纖維打造可以「水上飄」，容納到五萬人嘅百合瓣城市。入面有山、碼頭、水產養殖場、懸浮花園，可以自給自足。不過城市造價好貴，又大約2100年先完成，都係學吓「智」惜用電，減輕全球暖化啦！
* 資料及圖片源自互聯網
美國《紐約雜誌》之前舉辦咗一個有關創新健身房概念嘅比賽，有兩位參賽者提出咗「水上健身房」！用跑步機、踏步機、單車機健身會產生唔少能量，可以推動哈德森河同東部河上嘅船，仲可以減低對河流嘅污染添！
* 資料及圖片源自互聯網
氣候變化得太犀利，好多動物甚至植物開始適應唔到本來嘅地方啦！有美國奧斯汀科學家就話要開始研究，睇吓點樣將北極熊搬去較適合居住嘅南極。咁到時使唔使改名做南極熊呢？諗呢啲？不如諗吓點樣「智」惜用電，救救北極熊啦！
* 資料及圖片源自互聯網
哇！好混亂呀！究竟係鉛筆定打印機呀？哦！原來有韓國發明家發明咗部機，只要將用剩嘅鉛筆放入部機，就可以變成墨水，然後列印啦！印錯左仲可以擦返再印過！唔會浪費鉛筆，又慳墨，仲慳埋錢添！
* 資料及圖片源自互聯網