[首頁] [智「惜」用電計劃] [港燈綠色旅程] [智「惜」知識] [綠得開心學校] [綠色生活頻道] [綠色大挑戰] [最新消息] [圖像版本]
果汁牛奶可能係你每朝都會飲嘅嘢，但你有冇諗過可以將個盒整成一個實用嘅散紙包？用嚟送俾人絕對係又有心思又實用呀。
步驟一 : 先將盒子洗淨，再將屋形頂部嘅該凸出部份剪去。
步驟二﹕再將盒子的四角剪開如圖示，盒子嘅兩塊側面剪出嚟，底部亦剪去。
步驟三﹕盒子兩塊側面跟圖示用zig-zac摺法摺9吓成扇形，盒子嘅正面分三段摺起。
步驟四﹕再將先前摺嘅兩個扇形如圖示黏起。
將之前所剪嘅圓窿穿過番個樽口位再扭番實個樽蓋，仲可以防止散銀跌出嚟呀。
又要用顏色筆，又原子筆，再加埋間尺，一大堆堆晒響檯面，真係唔多整齊。有個筆插就唔同啦，可以插晒入去整整齊齊喇！又簡單易整，快啲試下啦！
材料﹕廢棄膠樽及廢紙
步驟一﹕先洗淨膠樽，再將膠樽上三份之一嘅部份剪去，切口唔一定要整齊，隨心即可。
步驟二﹕再利用所剪出嘅膠樽部份，剪出「嘩鬼」嘅雙手。
步驟三﹕將所剪出嘅雙手用膠水痴響樽身嘅兩側。
步驟四﹕利用唔同顏色嘅廢紙好好咁裝飾吓你嘅筆插，痴番「嘩鬼」嘅眼耳口鼻上去啦﹗
覺得自己間房幅牆好dry？想有啲裝飾吓？整個圓形相架就夠晒特別啦！
材料﹕廢棄廁紙筒、保鮮紙筒、膠紙筒及相片
步驟一﹕將紙筒剪成1-1.5 cm 長。
步驟二﹕將相片剪成同紙筒一樣大細嘅圓形。
步驟三﹕將相片貼於紙筒面或底部均可。
步驟四﹕將各個完成紙筒任意貼於牆上即成。
係咪成日都聽到媽咪講，以前佢哋冇咁多玩具，有都係自己整？係咪覺得好難想像，點樣自己整玩具呢？只要跟住下面嘅步驟整，你都可以做吓呢啲小手作架！
材料﹕洗潔精樽蓋、護膚品小透明樽蓋、廢棄長方形、朱古力盒及喉糖圓形小樽蓋
步驟一﹕響個盒嘅前面與背面剪個窿。
步驟二﹕先將洗潔精樽蓋貼響朱古力盒面嘅正中間位置作鏡頭。
步驟三﹕將小透明蓋貼響鏡頭嘅右上方如圖示，呢個係作為相機嘅閃光燈位。再將圓形小蓋貼於左上方如圖示，呢個係快門。
步驟四﹕畫上一啲小裝飾同基本配備就搞掂喇，鍾意仲可以 加番條相機帶俾佢架﹗
個咕o臣雖然有啲舊，但都未爛吖，係咪有啲唔捨得扔先？咁不如試吓幫佢重生吖！
材料﹕雜誌一大疊、廢棄皮帶/布條、廢棄枕頭/咕「o臣」、馬尾夾
步驟一﹕將差不多大小嘅雜誌疊起。
步驟二﹕將最頂嘅果一本同最底果一本同馬尾夾夾住側邊，然後將咕「o臣」放於雜誌上。
步驟三﹕一次過將咕「o臣」、雜誌及木板用布條如圖般紮實，布條穿過馬尾夾。
(資料及圖片源自互聯網)