[首頁] [智「惜」用電計劃] [港燈綠色旅程] [智「惜」知識] [綠得開心學校] [綠色生活頻道] [綠色大挑戰] [最新消息] [圖像版本]
山頂柯士甸山道中段
太平山，經常都會俾人覺得係一個好多遊客嘅地方，因為附近有極多景點，如喺山頂廣場可以睇到香港迷人嘅景色、山頂纜車、蠟像館等。但原來太平山附近都有一個遠離煩囂嘅遊樂場，正正就喺盧吉道旁，仲要有一啲維多利亞式建築俾大家影靚相，快啲去感受下歐陸花園嘅氣息啦﹗
A. 由山頂凌霄閣沿柯士甸山道行約10分鐘即達
B. 乘15、15A、15B路線巴士
C. 乘專線小巴1號
D. 乘山頂纜車
需時﹕約10分鐘
低碳足印﹕由山頂凌霄閣步行前往都只係10分鐘路程，一於行過去啦，既低碳又可以做下運動﹗好多交通工具都會因為燃燒柴油或汽油嚟推動而產生碳排放，如果大家都可以多啲以步行或踏單車取代依賴交通工具，咁就可能幫地球先生減碳啦！
新界西貢蕉坑
講起西貢，淨係諗起食海鮮﹖咁就實在太唔夠潮喇﹗其實喺西貢呢個自然教育中心入面，設有「昆蟲館」，又有「岩石館」，仲有「貝殼館」同「農館」，下次去西貢記得參觀下，了解更多大自然生態！
A. 乘92、96R、292P、792M、698R路線巴士
於西頁北港落車
B. 乘1、1A、1M、12、101M路線小巴於西貢
北港落車
需時﹕約1小時
低碳足印﹕除咗可以自備環保餐具去野餐外，都可以試吓隔離嘅露天茶座﹗入面供應嘅沙律菜仲係有機﹗ 多菜少肉一樣可以減少碳排放，因為飼養牲畜嘅時候會增加唔少碳排放，而食多啲菜，人亦都健康啲啦﹗
香港林錦公路嘉道理農場暨植物園
原來香港嘉道理農場暨植物園，一年十二個月都有唔同嘅特色花卉，個個月都唔同款，以後賞花，唔一定要去外國啦！
A. 搭西鐵或巴士於錦上路轉64K巴士，於嘉道理農場暨植物園站落車
B. 搭東鐵或巴士於大埔墟或太和站落車再轉64K巴士
需時﹕約1小時
低碳足印﹕除咗睇靚花之外，記住都唔好錯過森林果園呀﹗入面種生果所用嘅肥料全部都係天然架，咁就可以減少因為使用化學肥料而對環境造成嘅污染啦！食用有機方法種嘅生果仲特別有益架！
新界西貢清水灣道
由細到大都聽到常識科老師講，香港擁有大海港之外仲有獨特嘅海岸線，仲彎彎曲曲，咁你身為一個香港人，見識過未先？我見過，我真係見過，就係響清水灣郊野公園度見到囉！仲可以睇到因為地殼變動而形成嘅特別地質同地形呀！
A. 於鑽石山鐵路站搭91號巴士到總站落車
B. 搭專線小巴16、103、103M於大坳門落車
需時﹕約1小時
低碳足印﹕去到呢啲BBQ好地方，記住都要帶備可以再用嘅餐具，唔好樂極忘形，留低垃圾呀！
新界大埔大發街
咩話？又想睇花但又想觀海，仲想玩埋模型船？大埔海濱公園就可以一次過滿足晒你咁多個願望喇！呢度除咗有巨型花海之外，仲可以漫步海濱長廊睇吐露港景色，仲有模型船水池呀！冇得頂喇啩？
A. 於東鐵大埔墟站轉K17接駁巴士或徒步30分鐘
B. 搭71K、71S、72A、73、73X、74K、75K、75X、271、275、275R、275S 路線巴士
需時﹕約1小時
低碳足印﹕其實沿住大埔海濱公園有條單車徑好正架，去嘅時候不妨考慮吓踩單車吖﹗又健康啲又環保仲可以沿路欣賞美好風景，一舉幾得呀﹗
(資料及圖片源自互聯網)